TURÍN, ADELA / BOSNIA, NELLA
Hai máis de trinta anos, Adela Turín comezou a publicar
en Italia a colección «Dalla parte delle bambine», que ao pouco
tempo foi editada en España por Esther Tusquets co título
«A favor de las niñas». Converteuse axiña nunha serie de referencia
para a coeducación e para a igualdade, e foi traducida a varias
linguas. A pesar do tempo transcorrido, na actualidade
estes libros teñen plena vixencia e seguen sendo necesarios.
Bonobos e bonobas tiñan un estatus moi desigual na fraga
onde vivían todos xuntos. Eles comían o que elas recolectaban;
eles viaxaban, aprendían e modernizábanse pero non aceptaban
que elas tamén evolucionaran e burlábanse do seu aspecto.
Tiñan a errónea teoría de que a educación e o progreso
do grupo enteiro era prexudicial; ata que as bonobas
cansaron de aturar ese comportamento tan egoísta.
